العاب جماعية معانا ولا علينا

محتويات اللعبة: اللعبة مكونة من 128 كارت مقسومين لنوعين:

كروت أسئلة خفيفة
كروت أسئلة عميقة وكمان مع كل لاعب كارت تصويت عليه أرقام تساعده يحدد رأيه في السر.
طريقة اللعب: 1- في البداية، المجموعة بتختار نوع الأسئلة اللي هتلعب بيه: عميقة ولا خفيفة. 2- بتتحط كروت الأسئلة مقلوبة في النص، وكل لاعب بياخد كارت تصويت. 3- اللاعب اللي هيبدأ يسحب أول كارت ويقرأه بصوت عالي. الكارت فيه اختيارين مرقمين. 4- كل لاعب بيستخدم كارت التصويت عشان يختار إجابة واحدة بس، ويخلي رقمها مواجه لباقي اللاعبين. 5- بعد العد لثلاثة، الكل بيكشف كروته في نفس الوقت. 6- لو حصل تعادل أو الأغلبية كانت متقاربة، لازم الكل يمد إيده على الأرض بسرعة، وآخر واحد يحط إيده بياخد كارت السؤال. 7- اللي بيجمع 10 أو 17 كارت (حسب الاتفاق) بيخرج من اللعبة، وآخر 3 لاعبين بيتنافسوا على مين عنده أقل عدد كروت.

ملاحظات مهمة:

متبصش على كروت غيرك!
خد بالك وانت بتحط إيدك، عشان مش عايزين إصابات.
الأسئلة العميقة مش مناسبة لأقل من 16 سنة.